ក្រុមហ៊ុន​ Google អនុញ្ញាត​ឱ្យ​អ្នក​ប្រើ Gmail ផ្ញើ​សារ​បាន​រហូត​ដល់ 10GB

កាល​ពី​ពេល​ថ្មីៗ​កន្លង​ទៅ​នេះ​ ក្រុមហ៊ុន Google បាន​អនុញ្ញាត​ឱ្យ​អ្នក​ប្រើប្រាស់​គណនី Gmail ទាំង​អស់​ អាច​ធ្វើ​ការ​ផ្ញើ​សារ​ជាAttachment បាន​រហូត​ដល់ 10 GB ជាមួយ​នឹង​ Google Drive។ នេះ​ជា​លក្ខណៈ​យ៉ាង​ពិសេស​មួយ​សម្រាប់​អ្នក​ប្រើប្រាស់​គណនីGmail ដែល​ពុំ​ធ្លាប់​មាន​ពី​មុន​មក ។ តើ​លោក​អ្នក​ចង់​ដឹង​អំពី​ការ​ផ្ញើ​ទិន្នន័យ​បាន​ទំហំ​ធំ​ នេះ​តាម​របៀប​ណា​ទេ?

ជា​ការ​ពិត​ណាស់​ យើង​ខ្ញុំ​នឹង​បង្ហាញ​មិត្ត​អ្នក​អាន​ទាំង​អស់​អំពី​លក្ខណៈ​ពិសេស​នៃ​ការ​ផ្ញើ​ទិន្នន័យ​តាម​ Google Drive ដែល​មាន​ទំហំ​រហូត​ដល់​ 10 GB បាន​ដូច​ខាង​ក្រោម៖

១. ដំបូង​លោក​អ្នក​គ្រាន់​តែ​ Sign in ចូល​ទៅ​កាន់​គណនី Gmail របស់​អ្នក​។ បន្ទាប់​មក​ទៀត​សូម​ចុច​ទៅ​លើ ពាក្យ Compose ដើម្បី​បង្កើត​សារ​ថ្មី​មួយ​ដើម្បី​ផ្ញើ​ទៅ​កាន់​ នរណា​ម្នាក់​ដែល​អ្នក​ចង់​ផ្ញើ។

២. នៅ​ពេល​នោះ​ អ្នក​នឹង​ឃើញ​មាន​ផ្ទាំង​មួយ​ចេញ​មក​នៅ​ខាង​ស្ដាំ​នៃ​ផ្ទៃ​អេក្រង់​របស់​អ្នក​ ។ នេះ​ជា​ផ្ទាំង​សម្រាប់​បង្កើត​សារ​ថ្មី។

៣. ដើម្បី​អាច​ផ្ញើ​ទិន្នន័យ​ដែល​មាន​ទំហំ ធំ​បាន​សូម​មើល​នៅ​ខាង​ក្រោម​នៃ​ផ្ទាំង​នោះ​ រួច​ចុច​លើ​ពាក្យ​ Insert file using google drive។ 

ហើយ​ពេល​នេះ​អ្នក​នឹង​អាច​បញ្ចូល​ទិន្នន័យ​ដែល​មាន​ទំហំ​រហូត​ដល់ 10 GB បាន​ហើយ។ 

ដកស្រងទាំងស្រុង http://www.kh4it.com