កម្ម​វិធី​ដាក់ Password ក្នុង​រូប​ភាព​ សម្រាប់​ Window 7

សួស្តី! កម្លោះៗ​អាយ​ធី​ទាំង​អស់​ជា​ទី​មេត្រី។ ពេល​នេះ​ខ្ញុំ​សូម​ណែ​នាំ​លោក​អ្នក​នូវ​គន្លឹះ​កំប៉ិច​កំប៉ុក​មួយ​ ដែល​ខ្ញុំ​បាន​រក​ឃើញ​ក្នុង​គេហ​ទំព័រ​បរ​ទេស។ គន្លឹះ​នោះ​គឺ​លោក​អ្នក​អាច​ដាក់​លេខ​សម្ងាត់​នៅ​ក្នុង​រូប​ភាព​របស់​អ្នក។ ការ​ដាក់​លេខ​សម្ងាត់​នេះ​គ្រាន់​ជា​គន្លឹះ​មួយ​តូច​ក៏​ពិត​មែន​តែ​វា​អាច​ ជួយ​លោក​អ្នក​ឲ្យ​បិទ​បាំង​រូប​ភាព​ណា​មួយ​ដែល​លោក​អ្នក​មិន​ចង់​ឲ្យ​អ្នក​ ដទៃ​គេ​មើល។ ខ្ញុំ​បង្ហាញ​នេះ​មិន​មែន​បង្រៀន​អ្នក​ឲ្យ​លាក់​បាំង​នូវ​រូប​ភាព​ណា​ដែល​ មិន​ល្អ​នោះ​ទេ គឺ​ក្នុង​បំណង​ដើម្បី​

សិក្សា​ស្វែង​យល់​ ក៏​ដូច​ជា​រក្សា​ទុក​រូប​ភាព​ណា​ដែល​សំខាន់ៗ​ឲ្យ​កាន់​តែ​មាន​សុវត្ថិ​ភាព​​ ជាង​មុន គឺ​មិន​អាច​នរណា​បើក​មើល​ផ្តេស​ផ្តាស​តាម​ចំណង់​បាន​ឡើយ។ កម្ម​វិធី​ Picword នេះ​សម្រាប់​ប្រើ​ជា​មួយ​ Window 7 ប៉ុន្តែ​ Window ផ្សេង​ទៀត​អាច​ប្រើ​បាន​ឬ​អត់​ក៏​ខ្ញុំ​មិន​ដឹង​ដែរ​ ព្រោះ​ខ្ញុំ​ចេះ​តាម​តែ​គេ​ទេ ហើយ​ណា​មួយ​ខ្ញុំ​មាន​កុំព្យូទ័រ​តែ​មួយ​គ្រឿង​មិន​អាច​មាន​ Window ​សាក​ឲ្យ​ដឹង​ថា​វា​ត្រូវ​នឹង​ Window ណា​មួយ​ឲ្យ​ប្រាកដ​បាន​ឡើយ។ ដូច​នេះ​សូម​មើល​ពី​របៀប​ទាញ​យក និង​តម្លើង​កម្ម​វិធី​ដើម្បី​ប្រើ​បាន​ទាំង​អស់​គ្នា។ 

៙ កម្ម​វិធី​នេះ​គឺ​មាន​ភាព​ងាយ​ស្រួល​ប្រើ​ប្រាស់​ក៏​ដូច​ជា​ការ​តម្លើង​និង​ ទាញ​យក។ ឥឡូវ​នេះ​សូម​លោក​អ្នក​មើល​អំពី​ទី​តាំង​ដែល​ត្រូវ​ទាញ​យក ទាញ​យក​ដោយ​ផ្ទាល់ :

- សូម​ចូល​ទៅ​កាន់​អា​ស័យ​ដ្ឋាន ចុច​ទីនេះ ហើយ​ចុច​លើ​ឆ្នុច Download (មើល​រូប​ខាង​ក្រោម)

 - ពេល​នោះ​វា​នឹង​ចេញ​ផ្ទាំង​ឲ្យ​អ្នក​រក្សា​ទុក​​កម្ម​វិធី សូម​ចុច​លើ "Save File"

៙ នេះ​ដល់​ការ​តម្លើង​កម្ម​វិធី​វិញ​ម្តង :D

- សូម​ចុច​ពីរ​ដង​ទៅ​លើ​កម្ម​វិធី​ដែល​លោក​អ្នក​បាន​ទាញ​យក​អំបាញ់​មិញ​នេះ។

- បន្ទាប់​មក​សូម​ចុច​ធីក​លើ​ពាក្យ I agree with the above..... ហើយ​ចុច​ឆ្នុច Next (មើលរូប)

- ជ្រើស​រើស​កន្លែង​ផ្ទុក​កម្ម​វិធី (គួរ​យក Drive C:\) បន្ទាប់​មក​សូម​ចុច​ឆ្នុច Next

- នៅ​ពេល​ដែល​អ្នក​ចុច Next នោះ​កម្ម​វិធី Picword នឹង​ដំណើរ​ការ​តម្លើង។

- ពេល​ដែល​វា​ដំណើរ​ការ​ចប់ សូម​ចុច​ធីក​លើ​ពាក្យ​ថា Launch Picword ហើយ​ចុច Exit ជា​ការ​ស្រេច។

៙ សេចក្តី​រំ​ពឹង​ទុក ៖ ខ្ញុំ​សង្ឃឹម​ថា​អ្វី​ដែល​ខ្ញុំ​បាន​រៀប​ រាប់​ខាង​លើ​លោក​អ្នក​នឹង​អាច​យល់​បាន​ហើយ​សូម​ស្វែង​យល់​អ្វី​ពី​ការ​ប្រើ​ ប្រាស់​កម្ម​វិធី​ដោយ​ខ្លួន​ឯង ព្រោះ​ថា​បើ​តាម​ខ្ញុំ​ដឹង​ប្រហែល​ជា​មិន​ពិបាក​អី​ប៉ុន្មាន​ទេ :D អរគុណ​សម្រាប់​ការ​ចូល​មើល​ប្លក​របស់​ខ្ញុំ​បាទ។

____________________________________________

៙ ដកស្រង់​ទាំងស្រុងចេញពី ៖ http://itoutschool.blogspot.com