ធ្វើម៉េចទើបក្លាយជាអ្នកអានដ៏ពូកែម្នាក់?
1. អានឲ្យបានច្រើន ៖ ចាប់ផ្ដើមអនុវត្តការអានឲ្យបានច្រើនចាប់ពីពេលនេះ។ បុគ្គលដែលពូកែអាន( សូម្បីតែអ្នកពូកែសរសេរ) គឺជាមនុស្សដែលអានគ្រប់រឿង ហើយអានច្រើន។ ការអនុវត្តអានច្រើននេះធ្វើឲ្យអ្នក ចាប់ផ្ដើមដឹងពីរឿងរ៉ាវ ចំណេះដឹង ជាច្រើន ព្រមទាំងអាចដឹងពីចំណុចខុសប្លែកគ្នា ការប្រើសញ្ញា ការសរសេរកើតឡើងផ្ទួនៗ និងដឹងពីប្រភព ដែលជួយឲ្យអ្នកអានលឿន ហើយកាន់តែងាយយល់។
2. សរសេរ ៖ ការសរសេរនេះ គឺដើម្បីចាប់យកអ្វីដែលអ្នកបានរៀនតាមរយៈការអានរបស់អ្នក និងជួយបន្ថែមសេចក្ដីឈ្លាសវៃរបស់អ្នក។ ពេលដែលសរសេរនេះ អ្នកនឹងរកឃើញ ព្រមទាំងដឹងពីតិចនិក ដែលកវីសរសេរ ហើយ ការដឹងនេះ នឹងជួយសម្រួលដល់ការអានអ្នកដូចគ្នា។
3. បើកចិត្តឲ្យទូលាយ ៖ ចាំ ថាប្រសិនជាអ្នកមានអារម្មណ៍មិនល្អ គិតថាសៀវភៅនេះអន់ នោះវានឹងទៅតាមនោះដែរ។ ការពិតអ្វីៗ គឺពឹងផ្អែកលើជំនឿ និងការរំពឹងទុករបស់អ្នក។ ដូចនេះសូមបើកចិត្តទូលាយ ថាសៀវភៅទាំងនោះសុទ្ធតែមានប្រយោជន៍សម្រាប់អ្នក នោះទើបអ្នកអានដោយយកចិត្តទុកដាក់ ឬអានបានល្អ។
4. ការប្រុងប្រយ័ត្ន ៖ អ្នកគួរដឹងថា រាល់អត្ថបទ ឬរឿងក្ដី អ្នកនិពន្ធតែងតែ ព្យាយាមធ្វើឲ្យសំណេរនោះខ្លីតាមដែលអាចធ្វើបានដោយរក្សាចំណុច សំខាន់ ឬអត្ថន័យទាំងស្រុង។ ដូចនេះអ្នកគួរអានដោយប្រុងប្រយ័ត្ន កុំរំលង ទោះបីជាអត្ថបទនោះវែងក្ដី។
5. បើកវគ្គបំប៉នបន្ថែម ៖ ការអានបានល្អ ក៏ពឹងលើការហ្វឹកហាត់ដែរ ។ នេះជាការហ្វឹកហាត់ សម្រាប់ខ្លួនឯងនិងជួយអ្នកដទៃដែរ។ អ្នកអាចបើកជាក្លឹបអ្នកអានសៀវភៅរឿង ជាមួយមិត្តភ័ក្ដិជាដើម ក៏អាចជួយអ្នកសិក្សាពីតិចនិកអានរបស់អ្នកទាំងនោះផងដែរ។
6. រីករាយ និងមានការផ្សារភ្ជាប់ ៖ អ្នកពូកែអានដាច់ខាតត្រូវរកឲ្យឃើញពីភាពរីករាយក្នុងការអាននេះ។ អ្នកពូកែអានគឺជាអ្នកអានដ៏រីករាយ។ ប្រសិនបើអ្នកធ្វើបាននោះមានន័យថាអ្នក នឹងទទួលបានរង្វាន់ ជាចំណេះដឹង និងការយល់ដឹងថ្មី ក៏ដូចជាក្ដីរំពឹងថ្មីមួយក្នុងជីវិតអ្នក៕
___________________
ប្រភព អាក្បាលធំ
About it1tell
it1tell
ចង់ចែករំលែកចំណេះដឹងទាំងប៉ុន្មានដែលខ្ញុំមានតាមរយៈប្រព័ន្ធពត៍មានវិទ្យា។ រាល់អត្ថបទដែលលោកអ្នកពេញចិត្ត អាចចម្លងយកទៅដាក់នៅក្នុងប្លករបស់អ្នកបាន ដោយមិនបាច់សុំការអនុញ្ញាតិពីខ្ញុំឡើយ
![កម្មវិធី Camera រូបគំនូរលើ Mobile Phone 魔漫相机 Camera Cartoon [Magic Man Camera]](https://blogger.googleusercontent.com/img/b/R29vZ2xl/AVvXsEib577MjFRbKNGrVS16nvcn3qV9p9DM_5_sbregHk0lrkFiChcssCrZ_B21ni-nPIe6mrDvQ8611QvE1f6yKjOfqi3ndRmhsIs1OnBlBUyzHW8rboGJV0YcNraws-S93NG3P5F8eDwnKmM/s72-c/screen568x568.jpeg)
0 comments: